小蜂兒 (南豐紗廠) (Closed)

炎炎夏日，街上好多人手中都拎住凍飲，消消暑。南豐紗廠活化後，成為香港新景點，入面有野睇有野食有野飲，呢間飲品店小蜂兒就位於大門旁。有別於一般台式飲品店，呢到只有幾款奶茶，無珍珠奶茶，以清茶及果茶為主，有幾小食，其中最吸引我嘅就係果菜汁。台式飲品店越開越多，除左台式飲品，有時都想飲杯果汁平衡一下，感覺好似健康D。差唔多有10款果菜汁，好多款都想試，最後揀左店長推介嘅紅菜頭甘荀蘋果汁加薑 - $32。唔中意薑味嘅可以走薑或者少薑，我怕薑味太辣，所以今次揀左少薑。飲品都係即叫即造，新鮮，所以要耐心等一陣。顏色深紅，味道偏向清淡，紅菜頭本身味唔重，飲落甘荀&蘋果味較特出，雖然少薑，仍飲到淡淡嘅薑味，不過唔辣唔刺激，原來落係果汁到，味道都幾夾。只係略嫌唔夠凍