Video
Read full review
2022-05-28
1263 views
🥢尖沙咀親民價錢嘆南歐菜長腳蟹海鮮酒店自助餐🥢近排一直好想搵間CP 值高又唔使咁貴嘅自助餐，最後揀嚟揀去都係食返之前食過的一間位於尖沙咀酒店的Buffet ,記得之前去過印象唔錯，重點五百幾蚊位，有海鮮長腳蟹同鐵板燒仲有最正的movenpick雪糕🥢凍盤及海鮮食自助餐最緊要有海鮮凍盤，呢度最吸引嘅係長腳蟹仲有太大隻厚肉嘅翡翠螺，鮮甜嘅海蜆、青口同埋凍蝦，要讚吓呢度嘅refill 速度都幾快，長期都會有提供，唔使驚冇得食🥢另外鐘意佢地「伊比利亞黑毛豬火腿」成隻火腿擺喺你面前，三款芝士拼盤，新鮮沙律水果吧等凍盤選擇🥢日式刺身吧刺身不定時提供，三文魚，希靈魚，象拔蚌，蟹柳，鯛魚及八爪魚🥢海鮮及熱食今日有「洋蔥芝士辣肉焗生蠔」洋蔥芝士生蠔焗得好香又惹味，另外仲有「香辣小龍蝦」用麻辣汁煮成，辣辣的夠曬香，「西班牙風味烤雞」，同埋「意大利巴馬臣芝士伴黑松露意粉」「西班牙砂煲墨魚汁海鮮飯」今次係南歐主題所以會有充滿異國風情嘅菜式🥢湯類特別一提呢款「西班牙蛤蜊辣肉腸海鮮酥皮湯」係重點主角，香脆的酥皮入邊嘅橙紅色的湯，係好似龍蝦湯咁樣，帶點海鮮味道，入邊仲有一啲海鮮例如蜆肉，非常鮮甜，另外今日仲有合掌瓜
🥢近排一直好想搵間CP 值高又唔使咁貴嘅自助餐，最後揀嚟揀去都係食返之前食過的一間位於尖沙咀酒店的Buffet ,記得之前去過印象唔錯，重點五百幾蚊位，有海鮮長腳蟹同鐵板燒仲有最正的movenpick雪糕
🥢凍盤及海鮮食自助餐最緊要有海鮮凍盤，呢度最吸引嘅係長腳蟹仲有太大隻厚肉嘅翡翠螺，鮮甜嘅海蜆、青口同埋凍蝦，要讚吓呢度嘅refill 速度都幾快，長期都會有提供，唔使驚冇得食
🥢另外鐘意佢地「伊比利亞黑毛豬火腿」成隻火腿擺喺你面前，三款芝士拼盤，新鮮沙律水果吧等凍盤選擇
🥢日式刺身吧
刺身不定時提供，三文魚，希靈魚，象拔蚌，蟹柳，鯛魚及八爪魚
🥢海鮮及熱食
今日有「洋蔥芝士辣肉焗生蠔」洋蔥芝士生蠔焗得好香又惹味，另外仲有「香辣小龍蝦」用麻辣汁煮成，辣辣的夠曬香，「西班牙風味烤雞」，同埋「意大利巴馬臣芝士伴黑松露意粉」「西班牙砂煲墨魚汁海鮮飯」今次係南歐主題所以會有充滿異國風情嘅菜式
🥢湯類
特別一提呢款「西班牙蛤蜊辣肉腸海鮮酥皮湯」係重點主角，香脆的酥皮入邊嘅橙紅色的湯，係好似龍蝦湯咁樣，帶點海鮮味道，入邊仲有一啲海鮮例如蜆肉，非常鮮甜，另外今日仲有合掌瓜湯同埋蘑菇湯，因為個蜆湯實在太好味，今呢兩款湯就無試到啦
🥢鐵板燒
其中一個主要鍾意呢間自助餐的原因就係，有師傅喺度即煎羊架俾你食，師傅唔忙的時候，仲會細心問你想要嘅生熟程度，另外仲有雞翼，德國腸仔同埋牛柳粒，都整得好香口幾好食
🥢甜品及飲品食到中途見到熄燈原來有一個特別環節，會師傅推出超巨型嘅「火焰雪山」出嚟表演，蛋白色的火焰雪山放上新鮮生果，再淋上糖漿同威士忌上面，最後點火，再分配比在場嘅大家，入邊係芒果雪糕外層係軟滑嘅蛋白，呢個體驗幾特別
🥢大家最愛嘅MÖVENPICK雪糕，呢度就有提供八種口味，最鍾意嘅就係法式焦糖燉蛋，同埋朱古力真係要留返個肚瘋狂食雪糕，除此之外仲有其他放題牌子嘅雪糕波，雪糕杯，蛋糕切餅同甜品杯
🥢水吧部無限供應果汁和啤酒，仲有咖啡機俾你自己沖，鍾意酒店自助餐有得任飲，成日唔使就住就住飲
🥢今次嘅海鮮自助餐感覺到都係非常唔錯嘅CP值高嘅一餐，價錢唔太貴之餘，食物質素又唔錯，而且環境都舒服枱櫈都夠闊落，仲有佢哋嘅店員都係同上次一樣，好好人收枱嘅速度都好快，因為地點方便，今次平日過嚟都已經好full,想食嘅朋友要預早少少去book位
🥢｢拾味南歐｣ 海鮮自助晚餐
📍 Park café (尖沙咀)
尖沙咀漆咸道南61-65號香港百樂酒店4樓
Post
