南小館 (ELEMENTS圓方) (Closed)

同女朋友冇見六秋，今日再見，終於知道乜野係小別勝新婚。睇黎我真係好鐘意佢，見少一秒都唔得今晚佢終於有時間同我去圓方睇格雷，時間尚早，就去左南小館食晚飯。先講咸肉菜飯，其實好普通，只係咸咸地既菜飯，不過d 飯係幾好咬口，唔知係咪用d 米比較好？之後就係紅燒牛肉麵，牛肉煮得夠腍，唔會咬唔開，而且幾入味，麵條都算彈牙，值得一讚。最好味就係小龍包，汁甜用鮮，入口一咬開，d 湯汁鮮味即刻爆哂出黎，超級好味。黑芝麻豆漿都幾普通，雖然冇咩甜味，但係都冇咩豆味，唔抵飲。環境同服務態度很好，即使催單都冇比侍應黑面，仲笑面相待。空間光猛，衛生。可惜食既時間太趕太短促，味道試得唔夠真。我發覺同自己鐘意既人一齊果時，分秒都如流星般閃逝，每次都覺得才則見面就要分別，又唔係日日都有得見相見難時別亦難...