差唔多每個weekend都會同屋企人嚟呢度食晏！呢度星期六日下晝好full，通常都要喺門口排一陣隊
想食嘅話最好早啲嚟！今次我同媽咪叫咗兩個定食，兩款都係我哋至愛
每款定食都包含麵豉湯，好好食既日式蒸蛋同埋沙律🥗
特上政壽司定食 $138 (8/10)
入面嘅壽司每一舊都好好食😋我最鍾意都係三文魚🍣，帶子，甜甜既玉子同埋海膽！佢嘅份量同埋厚度都切得好適中
絕不馬虎！ 呢個定食亦都包含烏冬，佢嘅烏冬亦都好彈牙，加埋七味粉真係ichibang!炸天婦羅烏冬配迷你魚生飯定食$128 (8/10)
天婦羅🍤既炸粉一啲都唔厚，唔會食落得炸皮而冇內涵
迷你魚生飯有三文魚，油甘魚等等，配埋個飯真係好好食食完呢度其實已經好飽，再加埋個烏冬真係好幸福
佢哋入邊有啲嘅壽司師傅係講日文，侍應態度亦都非常好👍🏻總括嚟講！呢度食日本嘢性價比好高，呢個價錢食到呢個質素嘅嘢真係好驚喜！一定會繼續幫襯💛💛💛
