成個商場餐廳真係好多人排隊… 好彩好醒目咁一早訂咗位，嚟到等左陣就可以入座。
餐廳嘅設計真係幾特別，入口望入去好似挖咗個山洞，全部牆整到灰色石頭，真係好似入到洞穴咁。唔怪之得個餐廳名爲「山洞食堂」。有道理😁！
餐廳新開張仲有遊戲玩，我哋好幸運咁贏咗一份 - 和牛肋眼上蓋Wagyu Beef Rib Eye Cap價值港幣220元超開心！咁即刻用左張coupon。另外叫多咗份甕漬牛肋骨House Marinated Galbi，同埋1++韓牛生牛肉石鍋飯。
2
1
服務員好快上左前菜，總共五碟分別有：新鮮泡菜、薯仔沙律、芽菜菠菜、海帶同埋蘿蔔乾泡菜。之後果份和牛肋眼上蓋送過嚟… 嘩…和牛肋眼蓋油花好均勻，燒完之後肉質彈牙，完全冇乜油膩感👍🏻👍🏻
每次去食韓燒必定要叫甕漬牛肋骨，因為一食便知龍與鳳。件成份牛肋骨都幾大件肉厚，可以剪到10-12 塊。兩個人份量啱啱好，一定要燒到個邊有少少焦香先食，牛肋骨肉嫩好淋身好juicy，味道帶少少甜但又不失牛味。配埋餐廳醬油… 贊👍🏻好正！
跟住個1++ 韓牛生牛肉石鍋拌飯上枱，平時食韓式牛肉拌飯啲牛肉多數煮熟曬，今次試下生牛肉版本，利用石鍋熱力將生牛肉拌熟，拌勻後啲牛肉啱啱好！石鍋熱辣辣就咁型成脆口飯焦，撈埋果碟平平無其韓式辣醬。拌飯食材味道全部提升👍🏻好好味
男朋友話要試埋甜品，叫左個焦糖脆面香蕉，味道唔錯但就普通左啲…只係得隻🍌香蕉
今次整體餐飲體驗係非常滿意，下次要叫多幾個朋友一齊食，可以叫多幾款唔同嘅韓燒肉！呢間一定要Encore 。
