德國熱狗 (Closed)

以前中學間學校雖然係喺南區，但講真完全無入過田灣呢邊😂😂 今日去探朋友先知原來田灣開咗個美食廣場有4間食肆進駐～ 一芳、德國熱狗、凝香園同包點料理我自己就梗係最推薦德國腸熱狗店啦😍佢地既熱狗唔係好fancy好多配料嗰種，但如果你係好鐘意試唔同口味既香腸既，你一定超鐘意！我叫左匈牙利辣肉腸加酸菜絲，香腸微辣加埋酸菜中和返，再加埋三色醬超豐富！脆皮煙肉火腿腸加芝士，勁多醬配埋肥脆腸超有口感～～另外我地仲加錢轉左套餐，我地轉左薯條同大熱薯餅，全都係即叫即炸，新鮮熱辣，卜卜脆，令人食指大動～～～