百份百餐廳 (寶熙苑商場)

Open Now

Now Closed

今日路經順寧道，見呢間餐廳裝修唔錯，就入去食個早餐。餐廳面積很大，裝修頗特別，走工業風風格。剛坐低，見枱面寫住「半焗流心蛋」，就畀佢吸引住，於是就落單叫個香煎豬扒早餐配腸仔及半焗流心蛋試吓。香煎豬扒+腸仔一條+半焗流心蛋，仲有蒜蓉多士同茄汁蛋，味道同上桌擺設都唔錯。半焗流心蛋標榜是先煎後焗，外脆內嫩， 少油健康。試過之後，又確係唔錯， 因為蛋白比太陽蛋熟，細菌都會少啲， 的確比較衛生和健康。香濃奶茶這個早餐，雖然冇乜特別之處，但所有食物味道都唔錯，只係收費$33，我覺得非常合理。 仲有一樣特別要讚嘅係佢哋嘅洗手間，非常乾淨，喺茶餐廳嚟講實在少有， 希望茶餐廳 能夠繼續保持高水平嘅洗手間清潔同衛生喇。