井上日本料理 (Closed)

見到有咁多負評，我真係要出出聲！不過我都係淨係食過N次都只係午餐，我係從來都未去過呢間野度食過晚餐嘅。首先我好滿意午餐有咁多款可以選擇，價錢由4x至$9x。餐飲除了基本奶茶及汽水之外，仲有其他特飲，如：柑桔話梅、雪梨茶、生薑茶、柚子茶等等。5️⃣号餐：日式牛肉鍋定食其實味道即係等於吉野家個隻甜豉油牛肉鍋，不過呢個餐係有好多好多好多牛肉嘅1️⃣3️⃣井上便當呢個就真係麻麻地，可能平時食開大大份嘅午餐。相對呢一個便當餐呢就真係細咗少少！6️⃣蜆肉泡菜豚肉鍋鍋底有大量粉絲/什菜/豆腐/金針菇，未計個飯/湯/前菜，仲有10幾粒蜆/泡菜/豬肉，真係要兩個人先食得住！3️⃣3️⃣上壽司配牛肉烏冬烏冬淋咗少少，好老實講個烏冬就唔係嗰啲好高質嘅烏冬嚟㗎。咁嘅價錢你唔可以要求㗎喇。但如果可以煮得彈牙嘅話就會好啲。至於壽司就冇乜特別囉，當然呢度就唔係成隻手指咁厚嘅魚生喇。