三餐冰室

Open Now

Now Closed

本來同朋友黎食下午茶，點知原來朋友未食晏，哈哈，咁啱啦，茶餐廳基本上全日都有主食叫，鍾意食咩都可以叫吖。奶茶紅豆冰（$12）＆熱檸水叫野食可以加錢轉特飲，轉左我喜歡的紅豆冰+奶茶，兩樣溝埋一齊真係好正，紅豆綿綿的又夠甜，奶茶香滑無得頂。午餐肉粒羅宋湯通粉（$46）自己點個輕盈少少嘅下午茶餐，通粉in呢度個招牌羅宋湯，酸酸地超開胃。厚切大大粒午餐肉，靚野黎唔係粉頭午餐肉，正呀～三餐三蛋飯（$52）朋友點呢個三餐飯好誇張，三塊厚切午餐肉加三隻蛋，咁足料嘅餐蛋飯而加少見啦。蛋汁加上秘制豉油，勁好撈飯喎，餐蛋飯幾時都係咁正，必食推介！招牌牛魔王焗飯（$82）仲有叫左呢個招牌飯，牛魔王係咖哩牛腩併黑椒牛仔骨，一次滿足兩樣口味！咖哩汁好有椰香，牛腩軟腍啖啖肉正呀。黑椒牛仔骨夠惹味，好勁黑椒，牛仔骨啲牛油好甘香，又係好好味，咁鴛鴦食法又幾過引喎。好味，份量足，價錢合理，尖沙咀又多一個好飯堂，正呀！