Espuma (QRE Plaza) (Closed)

一心想快啲用咗早一日嗰張「Espuma」八五折優惠單據，朝早就約定哥哥去食晏，點知去到先發現原來優惠只適用於下午茶時間，即下午二至六，講真都有少少掃興架。小肥一早訂咗位，準時到步即可入座水吧旁o既雲石枱吧位。有雲石作背景，當日影出黎啲相睇落都高雅咗不少。餐店午市以供套餐為主，每客均包有餐湯、沙律、主菜、甜品及咖啡或茶，價格由主菜而定。點好菜，哥哥仔先送上餐湯及沙律。是日餐湯：西蘭花忌廉湯味淡偏稀，就連配角o既蒜蓉包都乾嚡過人，當真情願餐廳收平啲而唔包餐湯囉！沙律：沙律則爽脆醒胃，同個湯比真係差好遠。黑毛豬火腿及燒烤菇忌廉汁意大利飯（$128）：哥哥出名怕浪費食物，極少時候會食剩野，當日居然大彈意大利飯質素低，量多而溜，食咗四分三後終於決定投降，相信真係好驚嚇！烤安格斯肉眼牛扒拼天婦羅南瓜配野菌汁（$168）：三、四成熟o既牛扒香濃軟腍，哥哥試過後更確認牛扒o既外表同味道都遠比「黑毛豬火腿意大利飯」出色。配菜中有不少蔬菜，感覺健康，當中天婦羅南瓜雖未夠香脆，但墊底o既南瓜蓉卻甜美討好。精選甜品：檸檬芝士蛋糕軟潤微甜，比起早一日嗰份下午茶錦盒內o既甜點好味得多。哥哥點咗杯凍檸檬茶作結。細佬