辣度餐廳 (Closed)

放假去荃灣廣場行街，行過享和街見到一間新野，招牌比較低調，啞黑色既大趟門，感覺簡潔又暗藏神祕，吸引左我入去試下。午餐牌寫住碳香燒物又好似幾特別。叫左個蒜蜜豬扒，朋友叫左個海鹽牛扒，本身諗住意粉都不外乎白烚或者茄汁，是但跟個飯食得飽就算，但店員推介配意粉，話意粉即叫即炒，咁我地唯有試下佢咩料喇(我地仲嗌加底意粉)飲品方面真系估你吾到咁貼心，店員介紹我地食燒物要飲涼茶可以清熱無咁熱氣。叫左一杯熱既試下，涼茶唔太甜又唔淡，幾好。好大件豬扒，燒得幾好，好香口，絕對吾系普通餐廳貨式。牛扒吾錯有肉汁，個炒意粉好惹味，少少辣，同餐廳名好貼切大件抵食配即炒意粉好惹味！滿足！