Green Waffle Diner (形點) (Closed)

今日約左家姐食晏，我地係食評見到有張相係芒果牛油果煙三文魚沙律，吸引左我地黎想試下，但黎到唔見有，唔知係咪期間限定或者下午無。不過都無所謂，因為佢其他午餐都好吸引。我地叫左 軟殼蟹漢堡餐，同西蘭花雞柳縲絲粉。加18蚊可以同時有沙律同湯，我地一個加左，個餐好得意，有湯有沙律，仲包窩夫甜品同飲品，我地又俾左15蚊每人加一球雪糕。成個餐人均120蚊，係超級飽既，如果細食既朋友仔，咩都唔加都好多野食，都抵食既。軟殼蟹漢堡，同佢餐牌影出黎一樣咁靚，仲好香口，超出想像咁好食。軟殼蟹同平時壽司店，或我食過以黎既軟殼蟹好唔同，好挺身，好香口，好脆，咬落去啲蟹香味好鮮甜(好食到唔係好識形容有幾好食)，個漢堡包皮，都用牛油烘香左，十分香口，整體好好食，值得試。餐湯係南瓜湯，南瓜味好金香。沙律都加左南瓜粒，感覺好健康。西蘭花雞柳縲絲粉，有陣魚香味，店員話啲汁用銀魚乾煮既。呢度飲品好多種選擇，特飲跟餐要加錢。咖啡拉花都好靚。窩夫加雪糕十分飽肚。