炑八韓烤 (偉華中心) (Closed)

朋友有好介紹，同我食lunch來呢間炑八韓烤， 夠平同埋冇加一，又食得夠飽。我哋點咗一個餐，名品大醬湯配迷你蟹膏醬拌飯 $66蚊， 再加小食。按人數先奉上泡菜，兩個人就兩份泡菜，這裏的泡菜只得牙菜和大白菜兩款，但係都好好味，非常新鮮，不酸夠辣。 每個午餐都會送清湯一碗。 就算不叫飲品，每枱都有清水自己斟。大醬湯的材料非常多，有節瓜、蜆肉、洋蔥、青椒、牛肉粒、豆腐等等，好多嘢食，所以淨飲個湯都飽咗一半。 味道會偏鹹，所以要配飯食。蟹膏拌飯仲有少量蟹子，完全是韓式食法，蟹膏撈埋飯一齊食，超香！覺得好味過在韓國食的蟹膏醬呢！小食，炸熱狗，在韓國，這小食係好流行的，不過這是迷你size, 最初以為係大熱狗腸，原來只是迷你熱狗腸，兩啖就食曬了，不過炸得都幾好味。喜歡外面的炸粉，炸完之後會好似食麵包咁，似腸仔包，不過是炸的，夠香，有蕃茄醬會更加好味。 意猶未盡，點多一個泡菜煎餅，在韓國來說這是主食，因為有麵粉，所以比較飽滯，但係裏面的泡菜，酸辣味道和爽口感，又可以令你開胃，中和下麵粉嘅飽滯感覺，配搭得不錯！幾好食。今次是聖誕前的飯聚，食得非常飽了，多謝閨密的好介紹啦！無加一，超抵！