Plato Cafe & Bistro (吳松街)

今日又同同事去試新嘢，揀咗呢間西式咖啡餐廳，一入到去喺一間好舒適嘅咖啡室， 午飯時間都已經幾多人啦，所以我哋就上咗樓上坐低左， 睇下佢個lunch menu都好多選擇，價錢有平有貴，另外仲有全日早餐添，我就揀咗個豬鞍，飲品方面可以包一杯34蚊嘅飲品，我就加錢揀咗杯西班牙咖啡。 首先有餐湯同埋蒜蓉包兩樣都ok, 跟住就嚟主菜喇，係有啲驚喜既， 個擺碟擺得好靚，真係有心做出嚟嘅，沙律菜好新鮮，薯條都ok, 烤豬鞍扒好林好夠味唔會好乾好有水準，另外同事叫咗碟豬仔骨配飯，我見佢個 豬仔骨都好靚好似好好味，同事食過都話ok, 飲品方面原來個西班牙咖啡係一杯凍咖啡加個雪糕係面，味道幾好，好滿足呀食埋個雪糕，同事叫咗杯cappuccino, 個拉花拉得好靚喎果然係㗎啡室嘅水準，呢間咖啡室嘅食物同埋飲品嘅水準都幾高，我哋下次一定會再嚟食lunch, 試下唔同嘅其他菜式。