方叔叔重慶老火鍋 (The L. Place)

Open Now

Now Closed

女兒今日約咗我去中環食火鍋。我都好耐冇試過午餐打邊爐啦！方叔叔重慶老火鍋：餐廳裝潢簡潔舒適，主打重慶火鍋，午市時間亦設有火鍋，而家仲做緊優惠，可以免湯底。食火鍋前，先送上雪耳糖水潤一潤喉嚨！招牌麻辣鴛鴦鍋：麻辣（普通辣）拼大骨滋補鍋：奶白色的大骨鍋湯底，味道香濃，紅卜卜的麻辣鍋辣度有得揀，普通辣嘅辣度啱啱好，可接受！美國桶蠔：桶蠔肉肉質鮮美,每隻蠔都體積巨型，極之鮮甜嫩滑。白鱔片食落魚油甘香，口感爽脆。西班牙黑豚梅肉：肉片油脂分布均勻，口感細嫩好吃。黑豚腩肉：豚肉纖維較普通豬肉更為細緻，其肉質柔軟，且帶有濃濃的香甜氣息。鮮竹笙手打蝦滑：竹笙之內釀入蝦滑，入口豐富，爽口之中帶有蝦肉嘅彈口。長城小白豬午餐肉：味道及賣相都好有層次，餐肉味夠濃。鮮滑魚麵：魚麵魚味鮮，口感彈牙。重慶炸酥肉：滿口肉汁肉香搭配胡椒粉、辣椒粉，配啤酒一流！日本七寳札幌生啤酒：口感清爽優雅。