鯨丼 (Closed)

好食是好食的，牛肉汁夠味，雖然外賣唔太熱但芝士都叫溶得曬。But！啲飯會唔會太少了？！個外賣盒都已經唔大，同同事攞嗰時都已經你眼望我眼，59蚊芝士溫泉蛋牛肉飯可能係會貴少少，細少少。然後！返到公司一開，成個飯得個盒既一半！係一半！計埋啲牛肉！你想唔想像到當你好肚餓既時候，滿心歡喜等一個飯，然後佢仲細過一個下午茶餐！OMG真係慘到。好處係，你可以5分鐘內食完呢個飯仲唔會飯氣攻心添。好彩有個同事食烏冬，個分量都算合理，味道ok，咁係咪每次食飯要叫多飯？！食烏冬就唔駛？！性價比不高，建議大家可以pass。