La Mer Restaurant & Lounge (Closed)

對上果次嚟食已經係幾個月前，雖然裝修冇變，但係格調價錢同埋餐食都改咗，頭盤係自助式嘅沙律吧，主要都係啲菜同埋有少少菇，湯同埋麵包都唔係自助嘅，我就帶咗個蝦意粉，都有成六七隻蝦，味道都好鮮甜好有蕃茄味，我朋友叫咗個蘭士撻，完全唔知係咩菜式，上網查左下其實都係一個好似pizza 大嘅餅，試咗下個味道同賣相都唔錯，可能係個餐牌同價錢都加咗好多，所以喺中午一點半嘅時候加埋我哋得兩枱客，好彩差唔多到兩點嘅時候再有多幾個客，如果唔係都唔知佢點去做落去啦！