我地大概12點10分到達門口, 一如既往, 已經有好多打工仔係到排緊隊...
有d係外賣, 有d係等位, 等位其實都幾亂下, 拎完飛, 但冇問幾多位...
係要等佢突然之間問, 就要答幾位...
呢到有個特別的地方, 係等位期間, 畫定要食咩比佢, 一有位佢就會幫你落order...
當日around12點45分先入座
, 真係冇咩耐性就買外賣啦 (外賣佢係會分湯比你的)...入座後, 我地足足等左成20分鐘有多先有野食...
最後發現, 原來佢一直冇幫我地入單, d單亂到一個點...
期間都有發現有2枱客都有唔見單, 等左好耐都未有野食
今次我叫左個5餸一麵,
炸魚皮﹑獅子狗﹑牛柏葉﹑豬大腸﹑紫菜 + 2匙 自家麻辣醬 (本人好辣之人)
炸魚皮 - 唔錯, 放落湯係會知道唔係放左好耐
豬大腸 - 洗得好乾淨, 一D異味都冇, 滷得非常入味
麵 - 今次叫幼麵, 淋左D
鍾意食辣, 一定要加埋牛柏葉同紫菜呢D吸湯的餸
其實佢的湯底係唔差
飲完唔會覺得口渴所以大家真係想Lunch時間去食, 要好早去到啦!
唔係就會有排等嫁啦!
