撞正午飯，枱枱坐滿，唯有同個friend喺門口等一陣。好彩唔使十分鐘，已經有得入座。
午市時間，有一點一麵套餐同客飯套餐两大類選擇，我哋就決定每邊揀一款，試試口味。
先上枱係担担麵加小籠包。担担麵啲湯唔夠濃郁唔夠花生香，不過味道都算可口，麵又夠爽，合格。
小籠包梗係要趁熱食，皮薄多湯汁，不俗。
客飯揀咗糖醋魚塊，先嚟一碗細細嘅酸辣湯，夠酸唔夠辣。
糖醋魚塊酸酸甜甜好送飯，魚塊炸漿唔算太厚，D魚都算滑，我最喜歡嘅反而係呢碗細細嘅菜飯，雖然遲咗小小上枱，但熱辣辣整出嚟，有誠意。
加多5蚊，追加杯豆漿。
整體而言，不過不失，午飯每人七十蚊左右。下次再揀另一間試試！😜
