Simplylife Bakery Cafe (Closed)

早前曾到Yoho的Simplylife，無心插柳點了推介的漢堡包，感覺良好。念念不忘，今個週末決定再戰。先來餐蘑菇湯，香濃，充滿蘑菇碎，作為一個湯真係好飽肚。隨湯附上一大塊法飽，聞上去有啲燶味，加上硬過磚，就沒有吃。輪到主角，半融芝士和厚厚漢堡扒簡直是天作之合，再配上又香又脆的薯條，完全令人崩潰。雖則這裏的牛肉並不是最上等的，但這裏的薯條肯定是最岀色的伴菜，不但有調過味，還炸得恰到好處。再者，酸瓜很酸，正好中和漢堡的油膩感，絕對有單點一條酸瓜的衝動。跟餐的冰橙茶亦不得不提，唔會太甜，仲有兩大舊橙，如此小清新，實在非常適合作為文青㗎我。由於過左午餐時間，不用排隊，整間店更頓覺寬敞。由兩點幾閒坐到五時，好鬼寫意。