Video
Read full review
2023-03-22
2992 views
今日系銅鑼灣食lunch, 揀咗利舞臺的牛舞日本燒肉, 平日開12：00, lunch 定食70多元起, 最貴都係$128的鰻魚定食, 最吸引係堂食送60分鐘自助區任飲任食, 不用考慮吧。鍾意食烤肉嘅朋友, 可以選擇唔同價錢烤肉自助餐, 生酮鍋也有供應, 午市就多咗"一定食"日式系午餐定食餐牌。食店以木為主的裝修, 很舒服。自助區有沙律、炸物、冷盤、熟食、湯、咖啡汽水機、甜品櫃、雪糕雪條櫃及飲品櫃, 呢個"一定食"lunch 送埋自助區, 真係超抵。餐前沙律及冷盤小食; 海藻酸微微又爽脆, 很開胃又健康, 雲耳辣辣地, 都好爽口, 自選沙律配料後可淋上芝麻醬沙律醬或陳醋。炸物會換款的, 食完一盤會推出另一款, 今日就食咗春捲、咖哩角、鏗魚蛋捲、炸洋蔥圈及越南傳統豬肉卷, 越南傳統豬肉卷外層脆口鬆化, 豬肉內的肥豬肉勁香口, 都話膽固醇萬歲架啦。咖哩牛腩好食, 焖得入味, 啖啖肉, 牛腩連牛筋部分最好食。粟米牛骨湯 ~ 甜甜地都有牛骨香味, 個人就略嫌油咗啲同鹹咗啲。鰻魚定食 ($128/包60分鐘自助區飲任食)日系鰻魚定食倕盒內有半條鰻魚、珍珠米飯、海藻及蒜蓉生菜。鰻魚嫩滑肥美, 連埋
鍾意食烤肉嘅朋友, 可以選擇唔同價錢烤肉自助餐, 生酮鍋也有供應, 午市就多咗"一定食"日式系午餐定食餐牌。
食店以木為主的裝修, 很舒服。
自助區有沙律、炸物、冷盤、熟食、湯、咖啡汽水機、甜品櫃、雪糕雪條櫃及飲品櫃, 呢個"一定食"lunch 送埋自助區, 真係超抵。
餐前沙律及冷盤小食; 海藻酸微微又爽脆, 很開胃又健康, 雲耳辣辣地, 都好爽口, 自選沙律配料後可淋上芝麻醬沙律醬或陳醋。
炸物會換款的, 食完一盤會推出另一款, 今日就食咗春捲、咖哩角、鏗魚蛋捲、炸洋蔥圈及越南傳統豬肉卷, 越南傳統豬肉卷外層脆口鬆化, 豬肉內的肥豬肉勁香口, 都話膽固醇萬歲架啦。
咖哩牛腩好食, 焖得入味, 啖啖肉, 牛腩連牛筋部分最好食。
粟米牛骨湯 ~ 甜甜地都有牛骨香味, 個人就略嫌油咗啲同鹹咗啲。
鰻魚定食 ($128/包60分鐘自助區飲任食)
日系鰻魚定食倕盒內有半條鰻魚、珍珠米飯、海藻及蒜蓉生菜。
鰻魚嫩滑肥美, 連埋香甜鰻魚汁伴圓潤煙韌珍珠米飯同吃, 很美味, 最抵讚係牛舞的飯好夠熱, 揭開木盒蓋還是冒煙的, 熱辣辣的珍珠米飯令一口鰻魚飯更甘香, 更好食。
甜品時間
明治果汁雪條、和菓子、維記雪米糍全部都要食, 櫻花和菓子酸酸甜甜也不錯。
Post
