韓舍 (Closed)

今日全日係旺角Training, Lunch當然要搵係旺角返工嘅老友撐枱腳啦。我地約左12:30係創興樓下等, 因為創興超多食店, 就算係Lunch繁忙時間應該都唔太難搵位。我係樓下等老友嘅時候見到呢間韓舍, 上Openrice search到Lunch任食嘅價錢都幾平, 所以就同老友上左韓舍都食。韓舍都幾大間, 9樓全層都係餐廳範圍, 入座時店員會問係食燒烤定唔燒, 午市免燒烤放題只係$58。😱 超平! 而燒烤放題亦只係$108, 真係好平。我地第一次黎, 當然要食埋燒烤啦。燒烤嘅座位好寬敞, 燒烤爐唔同一般韓燒餐廳, 呢度係用燒烤紙墊底, 更換起上黎好方便。一埋到位我已經急不及待出去攞飲品, 飲品係任飲的, 冷飲熱飲都有, 款式都好多。熱葷種類都唔少, 仲有蟹粥, 個蟹粥都幾足料, 除左鮮蟹之外, 仲放左好多蟹籽, 好鮮甜。😋揀得燒烤放題, 我地當然主力食韓燒啦, 韓燒食物款式都多, 當中我最鍾意牛肉片同原味雞翼。👍 牛肉軟腍, 兩邊烤香後外脆內軟, 肉汁豐富, 而且唔會太咸, 味道剛剛好。雞翼已經預先整成單骨, 食起黎超方便。👍 食左幾轉燒肉之後, 我地兩個男人都好乖咁攞左d菜食