$188 S1 Course 燒肉放題
原先想食既燒肉套餐都要百幾蚊，點知比多少少就多好多食物選擇，最後忍唔住就變左食放題
S1 放題食牛肉的選擇唔多，只有３款 牛五花，牛橫隔膜，牛舌
牛五花偏肥，但係燒完就岩岩好，佢既油脂可以分埋比其他牛，反而棋隔膜有點靱
豚肉都係得幾款，但我只點了豚里脊肉，第一碟就好肥，再點多一碟就變返瘦，感覺唔似係同一部位，好似隨機咁
海鮮仲有蝦，帶子，青口，魷魚，八爪魚之類，要有既都有
另外仲有小食，點左黑松露薯條，麥當當口感，純粹係過下口癮
前菜都好好味，仲有雪糕甜品飲品任飲。
整體而言，以$188 加一放題，雖然牛肉質素一般，但係選擇黎講算係幾多
對於食燒肉有要求的人就未必滿足到，因為用牛肉質素換左其他選擇返黎
過下放題口瘾食下呢個餐係唔錯的！
