小漁村烤魚火鍋 (Closed)

上次嚟試過午餐，幾十蚊有一條烤魚配白飯😋真係性價比超高。今次撞啱有朋友生日，所以就約埋過嚟慶祝，試吓晚市放題。先來一大盤海鮮拼盤，全枱人嘅份量全部擺滿晒🤩款款新鮮美味，幾欣賞個擺盤，真係好啱打卡。然後食烤魚，烤魚可以無限食，我哋都encore咗兩次👍🏻最鍾意係青椒烤魚。加咗啲花椒油好香又濃味。最後就可以用返個湯底打邊爐，啲配料可以喺外面自己取，飲品都係，擺放得好整齊，唔錯。晚市放題連加一大概$300一位，用嘅食材高質，好快回本😊大家有興趣就去試吓啦。