Video
Read full review
2022-02-24
68 views
呢排呢間餐廳好多人食，開咗大半年都已經幾多好評，男朋友就話不如嚟呢度食個午市廚師發辨慶祝情人節～一向鍾意食日本嘢嘅我梗係同意啦🙋🏻♀️呢日我哋book咗12點半，12點鬆啲嚟到～book位時講咗想坐bar枱位置，可以望住師傅整🤣omakase就係要咁樣先似樣！午市omakase係每人$398～首先上嘅係沙律同茶碗蒸🥗沙律落咗千島醬，幾開胃～茶碗蒸都幾豐富，上面有一絲絲蟹肉，入面仲有粒小帶子，蒸蛋口感滑溜🤤仲好夠熱，食完個碗都仲噴緊煙🤣食完前菜就進入戲肉喇！首先上嘅係三款刺身，分別有間八魚、紅蝦同油甘魚～間八魚肉質爽彈，口感幾特別，而紅蝦好鮮甜好膠，都係我嘅最愛～油甘魚一塊係刺身，油脂頗重，另一塊係火炙咗一邊，我覺得更能夠迫到油脂出嚟👍🏻下一款刺身係生蠔！仲要係好大隻架！上面有啲酸酸哋嘅汁，師傅幫我哋預先切開咗一半，食起上嚟好方便～我同男朋友食完都話唔想飲水住，因為實在係太鮮味喇🤤一啲都唔腥，仲要有好多海水味湧出嚟添！最後一款係拖羅😆有三塊捲住嘅，個擺盤真係一流～本身已經有少少鹽調味，我加咗少少豉油，拖羅油脂好出，好肥美！下個部分就到咗壽司，總共有六件壽司～第一件出場嘅係池魚，油脂唔多，
呢日我哋book咗12點半，12點鬆啲嚟到～book位時講咗想坐bar枱位置，可以望住師傅整🤣omakase就係要咁樣先似樣！午市omakase係每人$398～
首先上嘅係沙律同茶碗蒸🥗沙律落咗千島醬，幾開胃～茶碗蒸都幾豐富，上面有一絲絲蟹肉，入面仲有粒小帶子，蒸蛋口感滑溜🤤仲好夠熱，食完個碗都仲噴緊煙🤣
食完前菜就進入戲肉喇！首先上嘅係三款刺身，分別有間八魚、紅蝦同油甘魚～間八魚肉質爽彈，口感幾特別，而紅蝦好鮮甜好膠，都係我嘅最愛～油甘魚一塊係刺身，油脂頗重，另一塊係火炙咗一邊，我覺得更能夠迫到油脂出嚟👍🏻
下一款刺身係生蠔！仲要係好大隻架！上面有啲酸酸哋嘅汁，師傅幫我哋預先切開咗一半，食起上嚟好方便～我同男朋友食完都話唔想飲水住，因為實在係太鮮味喇🤤一啲都唔腥，仲要有好多海水味湧出嚟添！
最後一款係拖羅😆有三塊捲住嘅，個擺盤真係一流～本身已經有少少鹽調味，我加咗少少豉油，拖羅油脂好出，好肥美！
下個部分就到咗壽司，總共有六件壽司～第一件出場嘅係池魚，油脂唔多，不過魚味十分濃～上面仲加咗啲鯊魚軟骨，好特別～
第二件就出咗我最鍾意嘅帶子🤤帶子真係好難唔好食，非常鮮甜😚
之後就係炙燒銀鱈魚～呢個真係比較特別，上面仲有少少麵豉，個調味唔錯，燒一燒更加有油香～
第四件係赤海膽呀😍滿滿嘅海膽，一放入口唔覺得有腥同苦味，雖然未去到驚為天人，但都係幾鮮甜架！
啱啱出過場嘅拖羅又出現喇～呢個作為壽司更加厚切少少，冇筋，好肥美🤤
最後一件就係最濃味嘅鰻魚！汁唔會好鹹，依然保留到鰻魚嘅油脂香😍
而卷物方面係拖羅蓉小卷😌我本身都好鍾意拖羅蓉，加埋蔥調味更加正☺️不過紫菜已經淋咗，可能影相影太耐🤣
最後會有麵豉湯暖返個人，同埋有甜品 ，係佢地自家製蕨餅，好煙韌好味😌
整體嚟講，食完呢一餐雖然唔算超飽，但係有種滿足感☺️呢度嘅師傅同侍應都好好禮貌，食材新鮮，賣相亦好精緻😍下次想試吓食lunch set😙
Post
