別府駅前料理 (Closed)

有一日放左學之後，唔知邊個話要黎呢度。我地入左去睇下有咩食，都有幾多既午市定食，加十蚊仲有小食。炸蝦餅一食就知係雪藏既貨色，味道就普通啦。都有小小蝦味，個蝦餅又唔係食到成啖粉。牛肉雜錦鍋個定食仲有個飯既，而呢個鍋都唔錯既。有豆腐、牛肉、雞蛋等。總之都幾雜錦啦。個湯就甜甜地，唔錯既。而牛肉就係普通既肥牛，都有三、四件。其他既材料都無乜特別，都算唔錯啦。凍奶茶好大杯，但等左好耐。雖然無茶記咁好飲，不過都唔差既。其實呢餐都唔算太抵食，個份量都係剛剛好。小食可以唔加既，因為個份量同價錢唔成正比。