午市想搵間穩陣既定食，係sogo 通常都有返一定質素！呢間日本餐廳有regualr 午市定食之餘，每日仲會有 $98 Special lunch menu。餐廳裝修好明亮，坐卡位旁邊就係落地玻璃，吧枱就可以望住廚師整鐵板燒，好似Omakase 咁🤣
廣島燒 配廚師沙律 ($118)
必試！好似係日本食到既味道🤣 廚師係我面前煮，所以好清楚所有材料，有粉漿、椰菜絲、五花肉、芽菜、麵條等等，整到好厚再壓實。口感好飽滿！即叫即整好新鮮😋而且確保過程真係好衛生！
鐵板燒區域有兩個香港男廚師，同埋一個女日本廚師，所以日本氣氛好濃厚🫶🏻🤣 仲用英文同女廚師傾左幾句🤣
大阪燒 配南蠻炸雞 ($118)
+配料 (每款$10)
❤️朋友叫既大阪燒都好好味！呢款賣相可愛啲，內裡軟線綿。我地加咗芝士同年糕 ($20)，見到隔離枱加我哋又跟機🤣。真係超好味，年糕好彈牙，配埋好多汁既大板燒就好juicy🤤！
明太子玉子燒 ($98)
玉子燒切得非常厚身，一切開明太子係蛋卷入面漏晒出黎，明太出好香濃😍 係貨真價實嘅明太子而非明太子醬～ 明太子鹹香帶少少辣，同日本蛋個味超夾！
總結呢度lunch 真係好抵食，個環境又靚又大方得體，坐到3點都得。定食各有特色，價錢介乎98-168，份量夠飽，食材新鮮，湯同小食都唔馬虎！
1
