上個月同朋友來過吃晚餐，非常喜歡這裏的環境和食物: 串燒，曾經講過要來這裏試一試午餐，但是因為我們沒有定位，walk in 只能坐吧枱，不要緊，其實我也喜歡坐吧枱的。
餐廳服務員遞給我們餐牌，看到這裏的午餐餐牌只有八款選擇 (只有八款?
)，但是都不是串燒，串燒優惠是跟午餐加錢享用的， 即是你一定要叫一個日式普通午餐才可以加錢享用串燒優惠，點解一間主題係串燒嘅餐廳竟然午餐係要食一個普通嘅日式午餐先至可以加錢食呢？
午餐包括前菜、御飯及味增湯，可+$10 御飯升級至：稻庭烏冬或溫泉蛋飯，及+$68 至 $108 享受五款串燒優惠。
1
~前菜
~燒和牛小排 $308
~稻庭烏冬+$10
稻庭烏冬真係好滑好好味。
~刺身五品定食 $288
呢個刺身係等於晚餐餐牌一個人嘅刺身份量，收呢個價錢在這一間餐廳算是優惠了。
~溫泉蛋飯 +$10
溫泉蛋飯係有一隻溫泉蛋上面沈咗好多紫菜。
串燒優惠我們選了:
~串燒拼盤（蠔，雞翼，草莓豚肉串）$108
呢個拼盤燒得好好，但係亦都唔係太超值，只不過可以用$108食呢個拼盤都係一個好好嘅選擇。
這個午餐餐牌選擇太少，最好當然是串燒拼盤， 幸好有商場優惠券，因為這裏的午餐性價比遠遠不及商場另一間我到過幾次的日本餐廳高 (刺身九品只需$328-還有海膽，八品更只需要$248，套餐還有燉蛋， 甜品以及只加$15有咖啡享用)，有留意我食評嘅朋友就知道我講邊間㗎啦。
最後值得一讚嘅就係員工嘅服務水準，呢度嘅員工都好有禮貌，不時為我們加茶，而且還很有禮貌跟客人說多謝。
