Gyu Sou Ichuya

今天與同事出去搵地方食lunch,  經過大廈門口見呀姐派宣傳單張，原來係牛惣新開午市，餐單幾吸引最主要價錢唔高，4條友就決定上去試吓，可能係未有人知呢度有午市，唔使排隊就有位。餐牌都算多選擇, 有刺身飯, 咖喱飯, 定食, 蕎麥麵，我緊係選五品刺身丼，$138 有5款刺身包括牡丹蝦及海膽，我的至愛，仲有沙律同埋蜆肉湯，食到刺身好新鮮，海膽鮮甜到呢，呢個價錢有咁質素真係算抵食。
我同事就食牛肉生薑燒野菜定食 $$68，賣相好似好健康，有肉又有菜，佢話味道唔錯。
大家都覺得呢度值得再黎試其他例如咖喱同定食。