Video
Read full review
2022-05-30
136 views
👍🏻五目九宮格盛合 $230 (原價$328)午市做緊七折優惠真係超抵食！九宮格可以一次過試哂九款招牌肉，豬牛雞乜都有😎建議先食冇醃過嘅款式，再食有醬漬嘅三款肉九款肉類嘅擺位可以參考返圖10當中嘅宮崎A4和牛上蓋最正🤩！油脂分布平均，入口即溶，油脂香濃又食到牛味🤤仲有極重油脂感嘅鹿兒島A4和牛腩，直情係口中爆油🤪Prime牛小排juicy多肉汁，油香恰到好處厚切牛舌腩超肥美，夠哂爽口嫩滑A4後腰脊肉同安格斯霜降牛就比較有肌肉咬口，牛味濃另外三款醬漬醃肉都醃得非常入味，完全唔駛再點其他醬汁壺漬牛肋肉大大條，比較煙韌有咬口，甜甜地，類似日式燒肉醬味味噌五花腩一樣醃得入味好甜，但略嫌太肥，肥膏比例高每款都有2-4塊，有啲仲大大塊，果然係招牌菜👍🏻！味道：9/10性價比：9/10-👍🏻A4和牛壽喜燒 $104/6片 (原價$148)席前炙燒，店員會幫你燒到五至七成熟同調配壽喜燒汁壽喜燒汁有淡淡黑松露味，混埋蛋汁黑松露味唔會太搶，無蓋過牛味和牛薄切，生熟度剛好，入口細緻軟嫩，牛味豐厚🤤可以夾住一口珍珠飯食，沾滿壽喜燒汁好好食，鹹甜適中唔油膩味道：9/10性價比： 9/10-👍🏻柚子漬雞肉山 $3
午市做緊七折優惠真係超抵食！
九宮格可以一次過試哂九款招牌肉，豬牛雞乜都有😎
建議先食冇醃過嘅款式，再食有醬漬嘅三款肉
九款肉類嘅擺位可以參考返圖10
當中嘅宮崎A4和牛上蓋最正🤩！
油脂分布平均，入口即溶，油脂香濃又食到牛味🤤
仲有極重油脂感嘅鹿兒島A4和牛腩，直情係口中爆油🤪
Prime牛小排juicy多肉汁，油香恰到好處
厚切牛舌腩超肥美，夠哂爽口嫩滑
A4後腰脊肉同安格斯霜降牛就比較有肌肉咬口，牛味濃
另外三款醬漬醃肉都醃得非常入味，完全唔駛再點其他醬汁
壺漬牛肋肉大大條，比較煙韌有咬口，甜甜地，類似日式燒肉醬味
味噌五花腩一樣醃得入味好甜，但略嫌太肥，肥膏比例高
每款都有2-4塊，有啲仲大大塊，果然係招牌菜👍🏻！
味道：9/10
性價比：9/10
-
👍🏻A4和牛壽喜燒 $104/6片 (原價$148)
席前炙燒，店員會幫你燒到五至七成熟同調配壽喜燒汁
壽喜燒汁有淡淡黑松露味，混埋蛋汁
黑松露味唔會太搶，無蓋過牛味
和牛薄切，生熟度剛好，入口細緻軟嫩，牛味豐厚🤤
可以夾住一口珍珠飯食，沾滿壽喜燒汁好好食，鹹甜適中唔油膩
味道：9/10
性價比： 9/10
-
👍🏻柚子漬雞肉山 $34/全份 (原價$48)
完全係飽肚之選，好抵食😆
雞肉山真係成座山咁多，起碼都有十舊以上，仲係大大舊啖啖肉
有淡淡柚子味，幾清新，唔膩
肉質燒完都夠嫩滑，值得推介👍🏻
味道：8/10
性價比： 9/10
-
👍🏻厚燒栗子豬五花 $34/5片 (原價$48)
肥肉瘦肉相間，厚切爽彈，但肥肉較多
燒到邊位嘅肥肉焦脆，肉味香濃，無豬騷味
味道：7/10
性價比： 8/10
-
👍🏻明太子月見飯 $25 (原價$36)
估唔到明太子份量都幾多，足夠每粒飯都沾滿明太子🤪
同九州產熔岩蛋撈勻，鹹鹹辣辣真係唔錯
雖然唔係好大碗但食食下都有啲滯😂
味道：8/10
性價比： 9/10
-
店員話menu仲update緊，所以當日影唔到menu
大家有興趣可以睇返佢地openrice店方最準確嘅menu😎
而筲箕灣分店menu同尖沙咀店都係一樣嘅
兩間分店都做緊午市七折優惠，另收正價加一服務費
計落都真係好抵食🤪！
有興趣報記得提早book位，因為佢地都幾full下
-
📍#驚安燒肉商店 @gekiyasu_yakiniku
尖沙咀金馬倫道48號中國保險大廈3樓C號舖
Post
