我哋就揀左Lv 2嘅牛肩胛肉，呢一款牛脂肪比例唔會太多，所以牛味比較濃郁，食多啲都唔怕肥呀！如果想食好少少就可以揀牛頸脊或者牛小排。另外加$40仲可以升級海鮮，有花膠、海蝦、鱔片同黑毛肚等等，姬松茸養生湯底加上花膠簡直養顏必選，呢度嘅養生湯底冇出面火鍋咁油膩。
我比較推介食呢度嘅手打丸類，比平時嘅丸類細粒，咁就可以留肚食多幾款，真係全部都好彈牙，麻辣牛丸係我嘅至愛，另外墨魚滑都好正，加左黑松露調味，味道即刻升級。
另一個亮點就喺呢度仲有台式小食，鹽酥雞、台灣腸、炸花枝丸同麻辣鴨血都應有盡有，作為餐前小食都十分開胃。
依家追蹤佢哋社交媒體，仲會每人送一杯台式飲品，真係冇諗過佢咁巨型呀，超爽！
4.5小時呢一個任食套餐真係太抵喇，包保你食到捧住個肚走！
