三井日韓料理 (Closed)

今晚去左旺角果邊買野，之後去左兆萬一間叫三井既餐廳食放題，二百零蚊，兆萬系甘上下價錢。講到食，梗系要對自己好啲，揀埋升級料理，選擇更加多，仲有松葉蟹腳、拖羅＆和牛壽司、河豚乾、珍寶紅蝦刺身等等。松葉蟹腳可以任點，大家當然唔放過，成為其中一款大家focus既食物，蟹腳新鮮清甜，就算要拎起較剪慢慢拆肉都在所不惜，唯獨系肉質唔夠爽口。芝士火炙三文魚壽司都幾cheesy，半熟三文魚配火炙芝士醬從來都系絕配，真系冇得輸，但醬汁之濃有少少蓋過左三文魚味。拖羅壽司色澤血潤，比起一般既吞拿魚油脂感更重更香，算系唔錯。燒河豚乾燒得幾香，切開一條條都仲有唔少肉汁，唔會太乾，但系個燒汁有啲太甜。其他食物仲有鹽燒海蝦、牛脷、牛仔骨、薄牛肉、牛油帶子、雞軟骨、各式各樣既天婦羅炸物。