古今二 (The ONE)

Open Now

Now Closed

再次嚟到尖沙咀「古今二」食飯，估唔到蟹柳撞上壽司可以有咁多新奇整法，創造出千變萬化嘅卷物。*此餐廳收取全單10%服務費。彩虹卷（單點$119），彩色刺身卷物，包括有三文魚刺身、吞拿魚刺身、油甘魚刺身、牛油果、青瓜、蟹柳、櫻桃蘿蔔、苦菊、芥末，刺身肉質嫩滑，食落三重鮮味。東京爆脆（單點$98），表面鋪有蟹籽、辣味千島醬、自家製醬汁，炸吞拿魚刺身口感酥脆，食落不太油膩，內有蟹柳。火山4件（單點$68），連埋火盤上菜，以壽司呈現出貼切的火山造型，表面鋪滿帶子、蟹柳、蟹籽、辣味千島醬、辣味蒲燒醬汁，帶子味道鮮甜，壽司卷物內有蟹柳、牛油果、青瓜，略嫌壽司熱食的口感、味道有點不太相夾。細龍捲風沙律（單點$58），好足料，包括有羅馬生菜、蟹籽、海藻、蟹柳、薯片、辣味千島醬、辣味蒲燒醬汁，味道好豐富。埼玉網燒牛舌（單點$78），牛舌爽彈，食落帶有牛油香味、焦香味道。黑豚豬頸肉串燒（單點$32），肉質肥瘦相間，配以香蔥柚子胡椒白蘿蔔蓉食用，味道清爽。