餐湯要了忌廉雞湯，好Creamy，仲有好多磨菇，好好味哩！
親愛的叫了香蒜肉絲意粉，我偷食左幾啖。麵條乾身香口又彈牙，肉絲其實是漢堡扒整到一粒粒，味道都可以接受。我本身唔多鐘意雜菜，覺得本身雜菜有D雪味，加左辣椒仔撈好左D先食左二啖。
我叫了千層肉醬闊麵，一睇就知勁肥，不過聞到都幾香。肉醬有蕃茄味，薯蓉又焗到脆脆地，正呀！
但是稍為美中不足就是茄醬下的闊麵太濕，食落仲覺得好「淋」，不過唔算好難食。
下次叫粟米肉醬薯蓉應該會好好多！
餐飲叫左七喜和凍朱古力，我個凍朱古力餐後才開始飲，D冰已經溶晒但都仲幾甜，不過加埋Cream真係幾滑。
有pizza card不收加一，埋單 83 蚊。都坐得幾舒服，招呼和服務都算禮貌勤快，又自動加水和收碟，野食整體黎講有80分，所以俾個笑啦！
