餓居

Open Now

Now Closed

好耐無去過日本，唯有去住居酒屋望梅止渴先。《餓居》裝潢和風味十足，有榻榻米座位，仲有一大棵仿櫻花樹係中間，帶點浪漫感。食日本菜當然要品酒。今日點左梅酒，加冰飲一流。前菜甜話梅車厘茄，甜甜酸酸，清新開胃。三款日式串燒，有雞軟骨、雞腿肉、雞腎。調味頗濃，爽脆雞軟骨最吸引。兩款魚嘅菜色。第一款味噌煮鯖魚，鹹鹹香香，鯖魚肥美唔柴口；第二款日式吉列鱈魚柳，香口嘅炸物。外脆內嫩，蘸上沙律醬更美味。熱辣辣鍋物有北海道3.6牛乳鍋，奶香濃郁同有洋蔥香，再加入肥牛、豆腐、金菇同娃娃菜。夢王蟹肉三文魚籽漬飯，煙韌珍珠米上舖滿三文魚籽及蟹肉絲，重點係加入夢王蛋黃，蛋黃甚濃，令整體昇華。