八屋 (Closed)

餐廳一共有2層，下午2點左右到，都要等下先可以入座。餐廳採光非常好，吊頂高，餐桌同桌椅之間闊落舒適，而且日式酒櫃令成個環境更加別緻，最啱同朋友仔出黎傾下計(⁎⁍̴̛ᴗ⁍̴̛⁎)食物同飲品都試左幾款，但係印象深刻嘅係八屋蟹肉蟹膏意面，原本叫錯左舊菜式蟹肉餅，咁啱店員都無為意以為係名稱相近嘅呢款意面，一上黎真係香到不得了，好彩留低左黎食，完全有驚喜，十分推薦！飲品抹茶雪山同我杯藍柑梳打顏值非常高👍另外不得不提，雪糕都十分推薦，食過最好味之一嘅日本豆乳雪糕，口感同味道都好唔錯。