Video
Read full review
2024-04-25
36 views
幾多年無食過放題，但放題質素都好參差，Metime就梗係要揀間高質素嘅放題啦！今次同媽媽們就book咗一間係荃灣多好評高質素嘅放題餐廳🍴～ 御滿屋日本料理 荃灣一向都係美食區，揀放題係因為大家都好多年無食啦！我哋就揀咗有經典超值嘅77品可以無限任點任食嘅套餐！估唔到而家晚市都咁多人食放題，不過餐廳地方都好闊落好適合聚餐！一入門口就見到無限任飲嘅飲品🍸區同埋多款前菜區，款式好多可以慢慢揀！放題第一時間就梗係食刺身啦！有三文魚、油甘魚、帶子、赤蝦、鮑片、北寄貝、松葉蟹棒，低層用冰粒鎮凍住，樣樣都好新鮮好鮮甜！壽司我哋都有order，亦都係御滿屋好出名嘅！有花之戀、仲有最著名就係特濃芝士燒醬牛肉壽司同特濃芝士燒蟹棒壽司，上面層芝士經過火炙就會溶化為半溶芝士，好香濃芝味！手卷我哋點咗海膽手卷、吞拿魚蓉手卷，2款都好滿好正。軍艦就點咗海膽魷魚同埋芥末八爪魚軍艦。比較欣賞嘅係飯糰細細唔會撐飽個肚！炸物我哋就order咗蒜蓉燒生蠔、燒羊鞍、吉列炸蠔等等，樣樣都好有特色，燒物最正係蒜蓉燒生蠔，好鮮甜，仲有個燒羊鞍，無太勁羊羶味，而且香味撲鼻！其他熟食仲有帝王蟹棒天婦羅、虎蝦天婦羅、御品鮑汁燴花膠。日式
荃灣一向都係美食區，揀放題係因為大家都好多年無食啦！我哋就揀咗有經典超值嘅77品可以無限任點任食嘅套餐！估唔到而家晚市都咁多人食放題，不過餐廳地方都好闊落好適合聚餐！
一入門口就見到無限任飲嘅飲品🍸區同埋多款前菜區，款式好多可以慢慢揀！
放題第一時間就梗係食刺身啦！有三文魚、油甘魚、帶子、赤蝦、鮑片、北寄貝、松葉蟹棒，低層用冰粒鎮凍住，樣樣都好新鮮好鮮甜！
壽司我哋都有order，亦都係御滿屋好出名嘅！有花之戀、仲有最著名就係特濃芝士燒醬牛肉壽司同特濃芝士燒蟹棒壽司，上面層芝士經過火炙就會溶化為半溶芝士，好香濃芝味！
手卷我哋點咗海膽手卷、吞拿魚蓉手卷，2款都好滿好正。軍艦就點咗海膽魷魚同埋芥末八爪魚軍艦。比較欣賞嘅係飯糰細細唔會撐飽個肚！
炸物我哋就order咗蒜蓉燒生蠔、燒羊鞍、吉列炸蠔等等，樣樣都好有特色，燒物最正係蒜蓉燒生蠔，好鮮甜，仲有個燒羊鞍，無太勁羊羶味，而且香味撲鼻！
其他熟食仲有帝王蟹棒天婦羅、虎蝦天婦羅、御品鮑汁燴花膠。日式放題無天婦羅好似爭啲咁🤣🤣🤣另外就係鮑汁燴花膠，勁厚勁滑溜！
話就話限時2小時，其實未夠鐘大家都食到好飽大滿足，而且唔似其他放題咁二次落order質素就差咗，全部嘅食品都係好高質素好好味，下次再約食放題都會揀呢間💞💞
@manyajapanesetw
#御滿屋荃灣 #御滿屋 #任食放題 #御滿屋放題
Post
