小妹住在呢間串燒店附近，係街坊黎，有日經過先發現原來有間主打賣海鮮既串燒店！（店子個位真係好吾顯眼呀🤦🏻♀️）
我同男朋友叫左幾樣野試下～
鮮甜貴妃蚌 $60
有兩隻，真係鮮甜！爽口！蒜蓉調味一流🤤 價錢比起其他店實惠呢。
.
醬汁燒鮮鮑魚
估吾到整得咁入味😳 好少好少食到同類型鮑魚咁入味呢！好幸運呀💕
.
浪漫玫瑰龍蝦 $398
呢個名堂好靚☺️ 店主真係用最新鮮既龍蝦架！👍🏼👍🏼 見到門口果度放有兩個水箱，養住生猛海鮮😳 果然一食，龍蝦非常鮮甜😍 夠晒新鮮爽口！都係落左好多蒜蓉，好惹味呀！🤤仲加埋少少蟹子，大滿足呀！❤️
.
炸脾
大大隻！炸粉夠薄，炸得金黃色卻吾油膩，雞皮脆卜卜，雞肉幾滑。
.
雞中翼 $15
整得皮脆肉滑，仲keep有肉汁添！好食！
.
一口叉燒 $15
好似第一次食串燒叉燒🤔 出面應該好少會見到，叉燒肥瘦分別，味道調得好，好juicy 😍
.
韮菜 $12
食宵夜串燒必食吧～
.
燒羊架 $36
羊架幾肥美，厚肉，充滿肉汁，好好味呀😋
.
串燒必飲既王老吉！
.
食到尾聲，店主上前同我地閒聊幾句，才得知原來店主堅持親自每天零晨時份去魚市場採購新鮮海產，再運回店裹養著。小妹好欣賞店主對身材同烹調過程既執著，感受到佢既用心製作，難怪佢話食過既客人好多都會回頭光顧👏🏻
