口感、味道及大小都十分吸引！另一個餐叫左羊架12安左配香草汁。整體不過不失。羊亦都煎烘左小小。所以看來餐廳烹飪牛扒比較在行。湯同飲品都要另嗌，價錢尚可接受。湯有白紅選擇。叫在白湯（香草忌廉湯）係好飲既，帶甜有粟米味。
跟餐只有意粉，夠林，煙靭到適中。配菜係雜菜+粟米，（大量西芹，非常健康），個人都幾鍾意但如果唔食西芹既朋友應該幾難搞。不過建議餐廳可以大眾化啲，跟餐加入薯條同飯，多一點選擇。當日落單時有70%客人係餐廳，等左20-25分鐘，都算還好啦。但換角度，餐廳每一個餐都用心準備，唔係茶餐廳半熟再翻熱上碟。
值得一提係店員既態度係貼心，不時問我地需要，老闆又會每枱客問味道如何。總結而言，呢間係定位扒房既小店，小本經營可能令上菜速度同食物款式有局限，但我總結佢係用心經營，咁既價錢，性價比很高，值得支持
最後，回應不少KOL 評價餐廳又好，盆菜又好，雖然言論有自由，但你講完一句，對小本經營既餐廳可能影響好大，亦都打擊人地既努力。僅此出篇食評用15分鐘，希望可以為餐廳平反一下，亦對經營者的努力一份小小既尊重。
1
2
