炯記餐室 (美麗閣)

Open Now

Now Closed

十分推薦！一共叫咗一個下午茶餐同兩碟小食。茶餐叫咗煙燻燒鵝配招牌鵝油撈麵，麵好大碗好香鵝油味，而且作為撈麵唔會太乾唔會太濕。裡面有配兩條菜芯。燒鵝件數都唔少，肉質偏滑唔乾澀，搭配酸梅醬食一流(每檯有一支酸梅醬)。另外叫咗碟蜜汁腩叉同海蜇手撕雞。叉燒色澤好睇，肥瘦適中，非常嫩滑，蜜汁甜中帶少少酸。海蜇手撕雞有辣同不辣可以揀，表面撒啲芝麻又多又香，見到點單器上好似唔鍾意芝麻都可以走芝麻或減少芝麻，底部鋪咗一層青瓜絲，幾解膩。例湯湯料幾豐富，有青紅蘿蔔，粟米，雞腳，湯水清甜。