Tipsy Tap (Closed)

之前已經一大班朋友嚟過幾次, 今次見到仍地IG有新酒上就單拖過嚟飲。呢度有成20款生啤, 每款都有唔同味道, 如果唔熟嘅話, 店員會好詳細咁同你介紹, 大部分酒都可以試飲左先叫, 包唔會叫錯自己唔鐘意嘅味道。我叫左一杯英國Verdant 嘅Now We Are Here杯酒有好濃郁嘅芒果奶昔香味, 飲落去非常細滑, 酒體好厚身, 適合慢慢小口品嚐。同酒一齊上嘅仲有一碟Nuts, 係蠶豆嚟, 惹味佐酒仙豆真係無改錯名, 用嚟慢慢送酒一流, 好好味。食物叫左一份慢煮煙燻烤豬肋條 , 超級大份呀, 慢煮住每條都可以「骨肉分離」, 個BBQ醬都好惹味, 越食越開胃, 估唔到我一個人都食得晒一碟。整體嚟講呢度無論酒同食物都好高質, 值得再encore, 不過就係地點唔係好近地鐵站, 要行成6,7分鐘先到。