Video
Read full review
2010-12-18
8 views
因為我中文打字唔好, 寫食評係件好辛苦的事....不過, 佢係值得既....星期六同朋友慶祝生日, 因為有大有細有BB, 希望搵間有房坐可以舒服D,但係好多地方都無房, 最後係Openrice搵到尼間新開的餐廳, 即管打電話試下, OK, Book 到, 聽電話個人叫阿Ray, 好有禮貌, 仲問有無朋友係前後7日生日, 話送蛋糕, 不過補祝朋友生日, 所以唔駛啦...訂左8:30PM 12位, 一上到去,地方OK, 好新淨, 間房仲好大, 因為有2張枱, 我地好好彩, 當日全間房得我地一枱客, D侍應仲好細心問我坐唔坐到, (因為係日式主題房+我8個幾月肚), 不過OK, 無問題, 仲好闊落...D朋友未黎晒, 仲加2個未必黎到...佢地都無黑面(因房最少12位)...仲唔介意等齊人先開始計時..不過D朋友都好快到齊, 好, 開始叫野食....食放題梗係叫魚生啦, 雖然我唔食得,不過一攞入黎,D魚生係D乾冰親扥下, 好靚, 仲有冰底, 好新鮮.咀叼的朋友食完話好正, 我就無褔消受啦...唯有食熟食,我最鍾意食天婦羅, 一D油味都無,好難得..串燒,火炙壽司,咖喱蟹,魚翅濃湯雲吞,炸雞軟
星期六同朋友慶祝生日, 因為有大有細有BB, 希望搵間有房坐可以舒服D,但係好多地方都無房, 最後係Openrice搵到尼間新開的餐廳, 即管打電話試下, OK, Book 到, 聽電話個人叫阿Ray, 好有禮貌, 仲問有無朋友係前後7日生日, 話送蛋糕, 不過補祝朋友生日, 所以唔駛啦...
訂左8:30PM 12位, 一上到去,地方OK, 好新淨, 間房仲好大, 因為有2張枱, 我地好好彩, 當日全間房得我地一枱客, D侍應仲好細心問我坐唔坐到, (因為係日式主題房+我8個幾月肚), 不過OK, 無問題, 仲好闊落...D朋友未黎晒, 仲加2個未必黎到...佢地都無黑面(因房最少12位)...仲唔介意等齊人先開始計時..不過D朋友都好快到齊, 好, 開始叫野食....
食放題梗係叫魚生啦, 雖然我唔食得,不過一攞入黎,D魚生係D乾冰親扥下, 好靚, 仲有冰底, 好新鮮.咀叼的朋友食完話好正, 我就無褔消受啦...唯有食熟食,我最鍾意食天婦羅, 一D油味都無,好難得..串燒,火炙壽司,咖喱蟹,魚翅濃湯雲吞,炸雞軟骨,冬蔭功火鍋, 三文魚湯.南瓜蛋,桂花糕......總括嚟講都好好味....仲有好多野未試，飽過頭, 留返下次先.
最後, 一定要讚D服務...我行出行入...D侍應總會提醒我小心行(可能我個肚實在太巨型)....最後我2個朋友10點先黎到, 佢地仲比我地慢慢食, 卒之食到差不多12點, 阻住晒人地收工, 不過佢地全程都無黑面, 仲好好招呼, 真係唔好意思, 走既時候仲派埋店長卡片, 下次9折...今時今日咁既服務態度...邊到搵呀...
Post
