每次去澳南海岸都會經過呢間餐廳
今日終於入去試下
餐廳氣氛好好 好舒服 好適合放工輕鬆一下
食物種類好多, 無論係肉類,魚類,咖哩,主食都有好幾款選擇
天多利烤魚
傳統印度風味既烤魚
第一次食 真係充滿驚喜~
用不同既香料醃製成紅色
再烤到焦脆 但係又可以保持肉汁鮮嫩
帶微辣 配埋醬汁 好正😋
泰式炒蜆
蜆肉好肥美 醬汁惹味亦恰到好處
鐘意食蜆既就唔好錯過
炭燒豬頸肉
豬頸肉燒到焦脆 完全無油膩感
配埋特製既醬汁 酸酸甜甜 味道超夾
泰式椰菜苗
全部都係用菜最幼嫩既部分
味道惹味 亦感覺比一般炒菜少油
