小妹十分期待的一餐圍爐記, 當然唔止係美食咁簡單, 再加上一大班有名氣的Bloggers 同枱, 絕對令到小妹超興奮
因為唔熟呢區, 仲以為要搵好耐, 點知與地鐵站距離只有約十分鐘路程點, 今次小妹亦是頗早到的一位, 店內十分整潔, 而店主預備了一張長枱給我們, 打邊爐用具等亦放得齊備。
返正人未齊就吃下前菜, 分別有黃金皮蛋和麻辣花生
前者是把皮蛋發酵到中段而形成金黃色, 而皮蛋的應有的味道已消失得無影踪, 黃金雖然靓, 但小妹還是喜歡原有的味道, 至於麻辣花生就是直接地將麻辣籽和辣椒伴以花生, 香脆過癮。
當人齊湯底亦隨即上枱, 兩款分別為秘制豬肚竹絲雞鍋, 椰青礦泉水走地雞鍋 等。
前者非常特別以竹絲雞藏在豬肚內, 當中更加入了而紅棗, 杞子等, 隨後店員會將豬肚剪開, 這已經是一清窩鮮味補身的雞湯, 而且非常暖胃 。
小妹只係飲呢個湯都好滿足啦, 而椰青礦泉水走地雞鍋, 就是把兩個大椰青水加熱後再放入半隻雞, 雞熟後即可以品嚐, 中段後再換上沙嗲湯底, 但小妹不喜歡太重口味的東西。
小妹認為打邊爐只要材料新鮮和夠豐富 定必會食得開心, 今次一大驚喜就是先來一盤原隻大蝦和蘇格蘭蟶子王, 鮮程度不容置疑, 大蝦仲識郁架! 隻隻份量十足, 食完兩款海鮮已經飽左一半啦 !
接著上枱的食物多得不能盡錄, 有手打爆芝士牛丸, 新鮮鵝腸, 西洋菜餃, 豬天梯, 鯇魚片, 午餐肉, 美國桶蠔, 手切肥牛, 極品黑豚肉, 蜯巢冰豆腐, 雜菌拚盤, 鮮淮山, 脆卜卜響鈴等 , 如有錯漏請見諒。
雖然並非每款都精彩, 但窩居出品勝在食物新鮮, 環境舒適, 服務也不俗。
店主告知是晚人君消費大約$300 , 實在超值得難以置信。
醬油每位十元
再一次感謝店主的窩心安排, 一切來得非常盡興 !
