1
咁啱我地兩個人加埋消費滿$1500，每人即送一份溏心瀨尿蝦🦐絕對啖啖肉，爆曬膏，微煙燻過真係好香🤤
前菜
炙燒鰹魚，配柚子汁好開胃
大蝦
望住師傅巧手工夫，挑蝦肉唧蝦膏出黎做醬汁，蝦身爽口彈牙，蝦頭仲煎到脆卜卜！
甘鯛
配上南瓜海膽汁，原來係咁夾，甘鯛肉質細膩
和牛
油花分布均勻，入口即化，想重口味少少可配芥末、炸蒜片及海鹽，一樣太好味了！
北寄貝
非常鮮甜，貝肉夠厚身，一流！🤤
鵝肝
以青萍果酸甜中和鵝肝的膩度，再加上脆薄的多士，口感豐富
香蒜牛薄燒
被燒香的牛肉內裏包住香蒜，但個人傾向和牛多啲哈哈，伴埋炒蔬菜唔錯
炒飯
加咗高菜同埋雞蛋快炒，連平時好低碳嘅我都食多幾啖飯！
吸物
睇個名唔知係乜，原來係我最鍾意飲嘅魚湯！奶白色好清甜鮮味，一解鐵板燒嘅油膩
甘味
甜品是超級有驚喜嘅焦糖多士，我俾100分👏🏻 金黃色已經好有食慾！外脆內軟，仲有開心果雪糕!
