DK1885 (Closed)

今晚特登約朋友去左灣仔這間主打北越越南菜的小店食飯，食的種類同平時坊間的越南餐廳有啲唔同，係店主的推介下，我哋點左幾款特色小菜。第一個小食係較清淡的家鄉白灼豬肚，豬肚連埋芽菜，點上越南醬汁，味道惹味得來又唔會太濃，作為開胃小食一流。第二個小食係香辣香茅爆抄雞腎，非常香，將香茅同雞腎一齊食，鑊氣十足，基本上汁的精華被香茅全數吸收，食完非常滿足。至於香花菜辣汁爆抄牛柳的味道略為普通，甚至個人覺得有少少油膩，有啲太濃。個人最欣賞的係老街魚露燒豬肉伴檬粉，醬汁同時帶酸甜辣味，肥膩感不重，檬粉基本上可以濕晒醬汁，而豬肉亦燒得岩岩好，唔會太老。