我哋點咗嘅嘢食🍴
濟州黑毛豬梅花肉
豬皮
月見牛肩肉
半份新鮮鰻魚
韓式炒粉絲
荔枝梳打
柑橘梳打
店員都好友善
仲會主動指導點樣燒先最好 🫶🏻 點完餐好快就上第一客前菜（3款1碟）係Free架，如果想食更多唔同款嘅前菜仲可以加錢$38要更多嘅單圓碟前菜（可refill) 大家都知韓式嘅前菜類真係五花八門好多款架嘛🤤🤤好多都好好味添架～
而爐邊嘅芝士粟米同泡菜煎蛋都係可以無限免費refill 嘅item嚟🤭 所以就算唔嗌主食類都真係唔會唔飽架😂 如果非大食女子我真心建議唔洗一坐低就點埋主食類🫣費事最後食唔哂仲浪費食物～
豬皮其實本身都係熟嘅 ，只要輕輕燒一陣兩邊微捲微焦香就好快食得🤤豬皮口感好QQ 膠原感滿滿 由於豬皮係醃過嘅 燒完後個味更出更濃好夠味帶有微甜感好正👍👍 肚餓嘅點依個先燒嚟食🤭絕對一流～快靚正🩷原本想嗌一口鱈魚肉 店員主動話今日嘅好似唔算好新鮮 而且一樣價錢建議我哋轉鰻魚 ,所以我哋就食咗鰻魚😗
鰻魚嚟到仲配有薑絲 同 芝麻葉 店員話係可以for包住嚟食嘅另一食法🤭 試咗又幾清新🍃～原味白燒完就咁食其實都好有魚味，鍾意食到魚皮酥脆焦香感嘅建議白燒到魚皮金黃色先食😋如果沾浦汁燒就再濃郁可口啲鰻魚飯果種味咁～
月見牛肩肉
肉質新鮮牛味十足 油花好搶火🤭燒完再沾埋月見汁除咗多一層嘅蛋香，入口亦都更滑🤤濟州黑毛豬梅花肉
大大塊又厚身 ，油脂分布幾均勻而肉質都幾幼嫩。本身嚟到有切左啲坑紋 for你燒完兩邊再沿住剪開變細再燒更易熟透 配有少少Wasabi味嘅秘製醬汁幾有口感👍
炒粉絲唔會腍啤啤，麵質Q彈夠味，仲有牛肉絲、蛋絲、洋蔥菇菌嘅配菜份量仲好大碟🤰🏼都係水準之內嘅菜式～
嘢飲🍹嘅梳打都好夠味，荔枝味甜得嚟唔係死甜藥水味仲有果肉添、柑橘🍊幾清新香甜酸度都適中🤭配肉食咁邊飲其實幾解膩😛
店內都有啲set Menu唔想諗嘅人類都可以懶人包一下🤭窗邊位都係可以睇到海嘅，如果想嘆埋個景嘅朋友仔就建議要求要坐窗邊嘅位置～
2
