Bunphant Coffee (Closed)

北角·小清新純白文青Cafe Bunphant Coffee📍北角炮台山宏安道18號威徳閣地下7號舖➰近排北角炮台山依邊開左間純白Cafe，就嚟同朋友試一試。餐廳以落地玻璃開揚採光，以全白色簡約風格裝修，都幾有特色。✥特色蓋飯 💲118 ⭐️4.1/5⭐️材料非常豐富，有蟹肉﹑蟹籽﹑雞肉﹑溫泉蛋﹑雜錦沙律等，再配埋飯汁，撈勻一齊入口層次感非常豐富，可以一試。.✥紅酒牛肋條闊條麵 💲130 ⭐️4.1/5⭐️上枱吸睛，紅酒汁掛滿闊條麵，牛肋條軟稔入味，不錯。.✥松露芝士法式吐司 💲120 ⭐️4.1/5⭐️要等待20-30分鐘，即點即焗，伴碟有士多啤梨藍莓等碎粒，當然仲有份量豐富嘅黑松露醬，多士亦有芝士餡，配上密糖，多重元素混合非常滋味，可以一試。