紐約客 (Closed)

北角個頭係少去d既，今日因為要去個邊見客，所以就去左，見完客都成7點，所以就係附近食埋飯先返屋企，係同事G的帶領下就去左佢口中話幾好既餐廳呢間餐廳樓底高又大，感覺好舒服，客唔算多，座位都好闊落，一點都唔迫，第一感覺幾良好餐牌上都好多野食，揀左一輪後，我就揀左紐約頂級牛柳大蝦，全因我好Like食牛同蝦，個樣大大碟好靚，呢個時候當然相機食先件牛都唔細，好厚肉，口感嫩之餘，更全無雪味，廚師確係處理得幾好，點埋個汁食就更香，食完一啖已經好想食第二第三啖隻蝦好大隻！好爽口，又多膏，質感彈牙，食得出係靚貨！而薯角也炸得金香脆口，合乎預期，總體上非常之滿意！