八目燒串燒專門店 (Closed)

北角美食出名多，而錦屏街就名副其實係一條食街，我同朋友以前都經常嚟呢頭開餐，襯疫情稍為緩和，今日就約返啲朋友出嚟呢間開左無幾耐嘅串燒店八目燒開餐啦。串燒豆腐($18)豆腐外層燒得夠乾身，咬落脆脆地都幾香口。香草燒羊扒($38)羊扒燒到全熟，肉質唔會太乾，食落帶點羊騷味。魷魚鬚串($25)魷魚鬚豐彈性，點咗小辣，我覺得辣度岩岩好。自家製紫菜芝士玉子燒($48)蛋夠滑，配上香濃芝士同紫菜係唔錯嘅組合。